27 innanlandssmit – 10 utan sóttkvíar
Setja bókamerki
Alls greindust 27 með Covid-19 innanlands í gær. Nú eru í 872 einangrun og hefur fækkað um 33 á milli daga en á mánudag voru 905 í einangrun. Á sjúkrahúsi eru 74 sjúklingar með kórónuveiruna og af þeim eru fjórir á gjörgæslu. Tíu voru utan sóttkvíar við greiningu í gær en í fyrstu tölum var sagt að þeir hefðu verið 11. Þetta þýðir að 17 voru í sóttkví eða 62,96% en 37,04% voru utan sóttkvíar við greiningu í gær.
Sautján hafa látist af völdum Covid-19 á Íslandi, þar af sjö í þriðju bylgju faraldursins. Allir hafa þeir látist á Landspítalanum á rúmum tveimur vikum en tilkynnt var um fyrsta andlátið í þessari bylgju 16. október eða fyrir 18 dögum.
108 einstaklingar yfir sjötugt með Covid
Níu börn yngri en eins árs eru í einangrun, 17 börn á aldrinum 1-5 ára eru í einangrun og 70 börn 6-12 ára. 38 börn á aldrinum 13-17 ára eru með Covid-19 í dag þannig að alls eru 138 börn smituð af kórónuveirunni í dag.
Í aldurshópnum 18-29 ára eru 204 smit, á fertugsaldri eru smitin nú 103 talsins en í aldurshópnum 40-49 eru 128 smit. Á sextugsaldri eru 104 með Covid og á sjötugsaldri eru þeir 91 talsins. 45 eru með Covid á aldrinum 70-79 ára, 41 á níræðisaldri og 22 einstaklingar yfir nírætt eru með veiruna að því er fram kemur á covid.is.
Á höfuðborgarsvæðinu eru 607 í einangrun og 1.171 er í sóttkví. Á Suðurnesjum eru 44 smitaðir en 105 í sóttkví. Á Suðurlandi eru 52 smit en 105 í sóttkví. Á Austurlandi eru tvö smit og þrír í sóttkví. Á Norðurlandi eystra eru 115 smit og 490 í sóttkví. Á Norðvesturlandi eru níu smit og 17 í sóttkví. Á Vestfjörðum eru 11 smit og 13 í sóttkví og á Vesturlandi eru 27 smit og 160 í sóttkví. Óstaðsettir í hús eru fimm smitaðir og 19 í sóttkví.
2.083 eru í sóttkví og 1.384 eru í skimunarsóttkví en í þeim hópi eru þeir sem þurfa að fara í sóttkví á milli skimana á landamærunum. Alls voru 1.862 sýni tekin innanlands í gær og 227 á landamærunum.
Miðað við 100 þúsund íbúa eru 188,4 smit innanlands síðustu tvær vikurnar en 21,5 á landamærunum á sama tímabili.
Ekkert bendir til þess að atburðarásinni sé lokið
Ekki öll fyrirtæki sek
Sanna borgarfulltrúi vill á þing
Kærði sig inn í yfirlýsinguna
Merki um kólnun á íbúðamarkaði
Landsréttur sýknar SKE af kröfu Samskipa