98 hafa sótt um hlutdeildarlán
Setja bókamerki
Nú þegar hafa 98 einstaklingar sótt um hlutdeildarlán hjá Húsnæðis- og mannvirkjastofnun. Þetta segir Anna Guðmunda Ingvarsdóttir, aðstoðarforstjóri stofnunarinnar. Opnað var fyrir umsóknir fyrir viku, en reglugerð um nánari útfærslu á lánunum tók gildi í gær.
Hlutdeildarlánum sem ætlað er að hjálpa fyrstu fasteignakaupendum og þeim sem ekki hafa átt fasteign síðastliðin fimm ár og eru undir ákveðnum tekjumörkum að brúa bilið við fasteignakaup. Segir Anna að ásóknin hafi verið meira en gert hafði verið ráð fyrir.
30 byggingaraðilar í samstarf
„Þetta er ívið meiri áhugi en við áttum von á. Við eigum eftir að byrja að auglýsa og þess vegna áttum við ekkert endilega von á svona mikill ásókn strax,“ segir Anna sem kveðst vita til þess að um 30 byggingaraðilar séu búnir að skrá sig í samstarf við Húsnæðis- og mannvirkjastofnun.
Í lögum um hlutdeildarlán er gert ráð fyrir að lánað verði til kaupa á 400 til 500 íbúðum árlega. Það er að ákveðnum skilyrðum uppfylltum. „Það þarf margt að ganga upp til að hægt sé að lána, varðandi skilyrði til lána og íbúðina sjálfa. Í reglugerðinni eru mörkin skilgreind.“
Aðspurð segir hún að lánað verði til kaupa á einhverjum íbúðum á þessu ári en auk þess verði veitt lánsvilyrði. Gilda þau í þrjá mánuði. „Það er möguleiki á að eitthvað slíkt verði verði veitt í meira mæli á meðan íbúðir eru að koma inn á markaðinn.“
100 milljóna viðbragð
Tré brotnuðu og umferðarskilti lagðist á hliðina
„Það var bara allt í kássu“
Við urðum að byrja upp á nýtt
Þegar borgin stal jólunum
Neyðarástand kalli á tafarlaus viðbrögð
Um 170 ný störf gætu skapast
/frimg/1/52/87/1528784.jpg)
Musk annar stjórnenda nýs ráðuneytis Trumps