Biden ræddi við leiðtoga Evrópuríkjanna
Joe Biden, kjörinn forseti Bandaríkjanna.
AFP
Setja bókamerki
Joe Biden, kjörinn forseti Bandaríkjanna, ræddi símleiðis við helstu þjóðarleiðtoga Evrópu í dag.
BBC greinir frá því að Biden hafi sagt Emmanuel Macron Frakklandsforseta að hann vilji efla tengslin við elsta bandamann Bandaríkjanna. Þeir ræddu einnig kórónuveirufaraldurinn.
Þá ræddi Biden einnig við Angelu Merkel Þýskalandskanslara og sagðist hann vilja leggja áherslu á að endurbyggja tengsl Bandaríkjanna við Evrópu.
Forsetaefnið ræddi einnig við Boris Johnson, forsætisráðherra Bretlands, og Micheál Martin, forsætisráðherra Írlands, í dag.
Leiðtogarnir fjórir óskuðu allir Biden til hamingju með kosningasigurinn á Donald Trump Bandaríkjaforseta í forsetakosningunum vestanhafs.
Kvikusöfnun 80% af því sem var fyrir síðasta gos
Konur og börn „næstum 70%“ látinna á Gasa
Biðlistar eftir skurðaðgerðum gætu lengst
Kílómetragjald: „Mikilvægt að málið verði klárað fyrir þinglok“
Stjórnvöld stíga ekki inn í kjaradeilurnar
Skúli sýknaður en 780 milljóna greiðslum rift