Af neyðarstigi yfir á hættustig
Setja bókamerki
Landspítalinn fer yfir á hættustig í dag en hann hefur verið á neyðarstigi síðan 25. október eða frá því hópsmit kom upp á Landakoti. Á annan tug sjúklinga hefur látist af völdum Covid-19 frá þeim tíma, flestir þeirra tengdust Landakotssmitinu. Landspítalinn hefur aldrei áður starfað á neyðarstigi.
Á vef Landspítalans segir að þetta byggi á því mati viðbragsstjórnar og farsóttanefndar að tök hafi náðst á faraldrinum sem upp kom á Landakoti og spítalinn sé í stakk búinn til að starfa á hættustigi.
Hættustig er skilgreint með eftirfarandi hætti: Orðinn atburður sem kallar á að starfað sé eftir viðbragðsáætlun. Fjöldi þolenda af þeirri stærðargráðu að aukið álag skapast á ýmsar deildir.
Áfram eru því í gildi allar takmarkanir og ýtrustu varúðarráðstafanir skv. gildandi reglum og leiðbeiningum um sýkingavarnir.
Í gær voru 66 sjúklingar inniliggjandi vegna Covid-19 á Landspítalanum, þar af 37 í einangrun. Alls hafa 165 sjúklingar legið á Landspítalanum vegna Covid-19 í upphafi þriðju bylgju faraldursins. Tveir sjúklingar voru á gjörgæslu í gær og báðir í öndunarvél.
Fjórtán andlát hafa orðið á Landspítala í þriðju bylgju faraldursins. 471 sjúklingur er í eftirliti Covid-19-göngudeildar, þar af 70 börn. 114 starfsmenn LSH eru skráðir í einangrun (41) eða sóttkví (A:23 B:27 C:23).
Hópsmitið á Landakoti hefur verið tilkynnt embætti landlæknis sem alvarlegt tilvik en upplýst verður nánar um málið á morgun, föstudag.
„Þetta er ljót mynd“
Mjótt á munum degi fyrir kosningar
Maðurinn sem lést var íslenskur
Vilja greina niðurstöður PISA-könnunarinnar
/frimg/1/52/67/1526758.jpg)
„Það er engin ákveðin hreyfing í deilunni“
Svona verður endaspretturinn
Hvað verður um sakamálin ef Trump vinnur? Eða tapar?
„Við vorum alveg á nippinu“