Kanna að leigja viðbótarhúsnæði

Verið er að kanna hvort unnt sé að leigja viðbótarhúsnæði fyrir kennslu framhaldsskólanna svo hægt sé að gera fleiri nemendum kleift að stunda nám í staðnámi.

Lilja Alfreðsdóttir mennta- og menningarmálaráðherra segir í Morgunblaðinu í dag að hún hafi beðið skólameistara og rektora að kanna hvernig það kæmi út.

Þá þurfi að sýna sveigjanleika við námsmat í ljósi þeirra aðstæðna sem uppi eru, þar sem verið sé að færa námið meira í heimapróf og heimaverkefni.