Þar sem Covid-19 gæti verið meira loftborin en fyrst var haldið þurfa sjúkrastofnanir og hjúkrunarheimili að fara betur yfir loftræstingar og loftun hjá sér. Meðal annars þarf að huga að síuskiptum og að passa upp á að hlutfall fersks loft sé sem mest. Þetta kom fram í máli Ölmu Möller landlæknis á upplýsingafundi almannavarna í dag.

Í síðustu viku var birt skýrsla sem Landspítalinn vann vegna hópsmit sem kom upp á Landakoti. Var ein helsta niðurstaðan sú að ekki hefði verið til staðar loftræsting á sjúkrastofum á Landakoti og að léleg loftskipti magni upp sýkingahættu.

Loftræsting var ekki til staðar á Landakoti, en léleg loftskipti eru talin magna upp sýkingahættu. mbl.is/Kristinn Magnússon

Frétt af mbl.is

Ástand og aðbúnaður á Landakoti ófullnægjandi

Alma sagði á fundinum í dag að best væri að fá sem mest magn af fersku lofti inn á sjúkrastofnanir með því að opna glugga ofar. Þá væri rétt að horfa til þess að rakastig væri í kringum 40-60%.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt