Ríkið hefur framlengt leigusamning á Hafnarstræti 67 á Akureyri til næstu tveggja vikna, en húsið er nýtt sem farsóttarhús. Það var opnað 23. október. Frá þessu segir í stöðuskýrslu almannavarna vegna kórónuveirufaraldursins.

Alls eru farsóttarhúsin þrjú, en gestum þeirra hefur fækkað stöðugt síðustu daga. Virk kórónuveirusmit eru nú 302 og 536 eru í sóttkví, að landamærasóttkví undanskilinni.

Matvælastofnun vinnur enn að því að skima alla minka í landinu fyrir veirunni, en ákvörðun um það var tekin eftir að smit greindust á búum í Danmörku. Ekkert smit hefur enn greinst.

Frétt af mbl.is

Skimað fyrir kórónuveiru á íslenskum minkabúum

Í stöðuskýrslunni segir að staða kórónuveirufaraldursins á landinu sé víðast hvar góð. Svo virðist sem náðst hafi utan um hópsmit á þeim stöðum sem þau komu upp. Þó sé álag á sjúkraflutninga á höfuðborgarsvæðinu. Sautján manns eru væntanlegir til landsins með Norrænu í dag.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt