Kaupa bóluefni fyrir 70% þjóðarinnar
Setja bókamerki
Stefnt er að því að kaupa bóluefni fyrir a.m.k. 70% þjóðarinnar en ekki liggur fyrir á þessari stundu hversu marga skammta af bóluefni Ísland mun kaupa eða frá hvaða framleiðendur þeir verða keyptir. Þetta kemur fram í tilkynningu frá Þórólfi Guðnasyni sóttvarnalækni á covid.is.
Fyrir liggur að kaup Íslands á bóluefnum gegn COVID-19 munu fara fram á grundvelli samninga Evrópusambandsins við lyfjaframleiðendur. Framkvæmdastjórn Evrópusambandsins hefur nú þegar undirritað samninga við fjóra framleiðendur, þ.e. Astra-Zeneca, Janssen, Sanofi/GSK og Pfizer/BioNTech og eru samningar við fleiri framleiðendur í burðarliðnum. Svíþjóð hefur tekið að sér það hlutverk að hafa milligöngu um að framselja Íslendingum bóluefni á grundvelli samninga Evrópusambandsins.
„Tveir bóluefnaframleiðendur hafa undanfarið birt fréttir af góðum árangri sinna bóluefna en rétt er að árétta að öll bóluefnin munu þurfa samþykki og leyfi frá Evrópsku lyfjastofnuninni (EMA) áður en almenn notkun hefst.
Á þessari stundu er því ekki ljóst hvenær almenn dreifing bóluefna hefst og því síður hversu hratt einstaka þjóðir munu fá það magn sem áætlað er að kaupa. Það er því ótímabært að tala um hvenær bólusetning hefst hér á landi þó að vonir séu bundnar við að hún geti hafist á fyrri hluta næsta árs.
Undirbúningur að bólusetningu er hafinn undir stjórn sóttvarnalæknis og vonast er til að honum ljúki fyrir lok árs 2020. Unnið er m.a. að forgangsröðun hópa í bólusetninguna, dreifingu bóluefnanna og skráningu hinna bólusettu.
Nánari upplýsingar um bóluefnin og bólusetningu gegn Covid-19 verða birtar strax og nánari fréttir berast,“ segir á vef Covid.is.
Hraun kemur úr þremur gígum: Virknin stöðug
Hópur fólks reyndi að komast að eldgosinu
Pútín reynir allt til að forðast aðra herkvaðningu
Rússar sagðir útvega N-Kóreu milljón olíutunnur
Vika í kosningar: Þetta segja kannanir
Þarf að koma til móts við ólíkar þarfir lækna