64% fleiri fá nú fjárhagsaðstoð

Fyrir ári fengu 195 einstaklingar fjárhagsaðstoð frá Reykjanesbæ til framfærslu en þeim hefur fjölgað um 64% og eru nú 319.

„Það er því nauðsynlegt að bregðast við þessari miklu aukningu og sporna gegn henni með einhverjum hætti,“ segir í bókun bæjarfulltrúa Reykjanesbæjar.

Vakin er athygli á því að fjárhagsaðstoð sveitarfélaga er mun lægri en grunnatvinnuleysisbætur. Skora bæjarfulltrúarnir á ríkisstjórnina að lengja tímabundið tímabil atvinnuleysisbóta, að því er fram kemur í umfjöllun um stöðu Reykjanesbæjar í Morgunblaðinu í dag.