Að minnsta kosti átta einstaklingar, smitaðir af kórónuveirunni, hafa verið fluttir í farsóttarhúsið við Rauðarárstíg í kvöld. Sex hinna smituðu búa í sama húsnæðinu.

Greindust þeir sem voru fluttir í kvöld með smit fyrr í dag.

Varðstjóri slökkviliðsins á höfuðborgarsvæðinu segir að um sé að ræða fullorðna og börn sem voru flutt með smit í farsóttarhúsið.

Allt eru þetta flutningar sem gerðir hafa verið frá klukkan átta í kvöld.

Fjórir greindust í gær

Þeir sem fluttir eru í farsóttarhúsið fara þangað vegna þess að þeir geta ekki tekið út einangrun í heimahúsi. 

Varðstjóri segir þessa flutninga koma fram í tölum morgundagsins en fjórir greindust innanlands í gær. 

„Tölurnar verða hærri á morgun,“ segir varðstjóri.

Frétt af mbl.is

Klasasmit á höfuðborgarsvæðinu

Tengdar fréttir

Kórónuveiran Covid-19

Varar við fleiri tilfellum í vetur

• Bóluefni hafi fækkað dauðsföllum
• Engin ein skýring á niðursveiflu
• Ekkert um alvarleg veikindi
• Skyldasti ættingi SARS „var í þeirra eigin ísskáp“

» Fleiri tengdar fréttir

• Blogga um frétt