Mikið annríki var hjá lögreglunni á höfuðborgarsvæðinu í nótt en rúmlega hundrað mál voru skráð frá klukkan 17 í gær til fimm í nótt. Mikið var um samkvæmi í heimahúsum og fram kemur í dagbók lögreglu að fólk virðist farið að slaka á varðandi Covid-19.

Hávaðakvartanir vegna samkvæma voru á þriðja tug og allur gangur var á hvort fólk virti 10 manna regluna.

Fangageymsla er nánast full eftir nóttina en þar var fólk vistað vegna líkamsárása, þjófnaðar og húsbrota.

Karlmaður var handtekinn í Breiðholti á öðrum tímanum í nótt eftir að hafa gengið berserksgang í húsi þar sem hann var gestkomandi. Hann var vistaður í fangaklefa.

Rétt fyrir klukkan þrjú í nótt var maður handtekinn vegna líkamsárásar í Hafnarfirði. Hann var vistaður í fangaklefa en ekki liggja fyrir upplýsingar um líðan þess sem varð fyrir árásinni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt