Diljá Jónsdóttir sem býr í Botnahlíð á Seyðisfirði telur að önnur aurskriðan sem féll á svæðinu fyrr í dag hafi fyrst lent á húsinu hennar. Áður en hún yfirgaf húsið var skriðan komin upp að glugga hjá henni.

Frétt af mbl.is

Rýmdu svæðið á 45 mínútum

Hún segir þetta hafa gerst um hálfþrjúleytið. Hún og maðurinn hennar hringdu í lögregluna, sem mætti skömmu síðar á staðinn. Eftir það tók hún með sér tölvur, föt og köttinn og leitaði skjóls á hótelinu Öldunni sem þau hjónin reka.

Maðurinn hennar varð eftir í húsinu og ætlaði að negla þar fyrir glugga til að halda aurskriðunni í burtu. 

Frétt af mbl.is

Óvissustig eftir að tvær aurskriður féllu

Flestir fóru til ættingja

Að sögn lögreglunnar á Austurlandi búa tugir í húsunum í Botnahlíð, sem voru rýmd fyrr í dag vegna aurskriðunnar. Sú gata er efst í bænum. Flestir fóru af sjálfsdáðum til ættingja annars staðar í bænum sem búa á öruggum svæðum.

Tengdar fréttir

Aurskriður á Austurlandi

Gleymir seint deginum sem skriðurnar féllu

• Ógerlegt að verja atvinnuhúsnæði á Seyðisfirði
• Aflýsa óvissustigi
• Ekki merki um aukna skriðuhættu
• Gjörólík staða nú og fyrir tveimur árum

» Fleiri tengdar fréttir

• Blogga um frétt