Styrkur svifryks er hár í Reykjavíkurborg í dag. Klukkan 13 var klukkustundargildi svifryks við Grensásveg 86 míkrógrömm á rúmmetra en fór yfir 100 míkrógrömm á rúmmetra á háannatíma umferðar í morgun.

Í mælistöð á gatnamótum Bústaðavegar og Háaleitisbrautar var klukkutímagildið á sama tíma 58 míkrógrömm á rúmmetra, að því er segir í tilkynningu frá borginni.

Nú er hægur vindur og kalt, götur þurrar og ekki líkur á úrkomu í dag. Því er líklegt að styrkur svifryks fari yfir sólarhrings heilsuverndarmörk sem eru 50 míkrógrömm á rúmmetra. Gert er ráð fyrir svipuðu veðri næstu daga og því líkur á að styrkur svifryks verði áfram hár.

mbl.is/RAX

Dragi úr notkun einkabílsins

Almenningur er hvattur til þess að draga úr notkun einkabílsins við þessar aðstæður, nýta sér frekar almenningssamgöngur, sameinast í bíla eða nota aðra vistvæna samgöngumáta.

Þeir sem eru viðkvæmir fyrir í öndunarfærum og börn ættu að forðast útivist í nágrenni stórra umferðargatna.

Heilbrigðiseftirlit Reykjavíkur fylgist náið með loftgæðum borgarinnar og sendir frá sér viðvaranir og leiðbeiningar ef ástæða þykir til. Hér er hægt að fylgjast með styrk svifryks og annarra mengandi efna. Á síðunni má sjá kort yfir mælistaði í Reykjavík og annars staðar á landinu.

Tengdar fréttir

Svifryksmengun

„Versti dagur vetrarins“

• Mikil svifryksmengun á höfuðborgarsvæðinu
• Svifryk verður yfir borginni næstu daga
• Vart við mikið svifryk í borginni
• Nagladekk bönnuð eftir 15. apríl

» Fleiri tengdar fréttir

• 1 blogg um fréttina

Bloggað um fréttina

• Rúnar Már Bragason: Af hverju eru göturnar ekki sópaðar?