Tvær skriður féllu úr Nautaklauf á Seyðisfirði í nótt, seinni skriðan tók með sér mannlaust timburhús og flutti það um 50 metra. Það hús var innan svæðis sem hafði verið rýmt. Í kjölfarið var staðan endurmetin og nokkur hús til viðbótar rýmd.

Fyrri skriðan féll upp úr klukkan eitt í nótt og önnur skriða féll um tveimur tímum seinna.

Þetta kemur fram á vef Veðurstofu Íslands.

Í frétt RÚV segir að um sé að ræða húsið Breiðablik  en húsið var eitt af þeim fyrstu sem skriðurnar umluktu.

Hér má sjá stöðuna eins og hún var á Seyðisfirði á miðvikudag, daginn eftir að aurskriðurnar féllu. Breiðablik er hér til vinstri. mbl.is/Pétur Kristjánsson

„Mikil úrkomuákefð hefur verið á Seyðisfirði í gærkvöldi og í nótt og rýmingar því enn í gildi. Í gærkvöldi voru svæðin stækkuð þar sem fólk í húsum var beðið um að gæta varúðar. Í nótt féllu tvær skriður úr Nautaklauf sem er sami farvegur og stærsta skriðan á þriðjudaginn féll úr,“ segir á vef Veðurstofunnar. 

Appelsínugul viðvörun vegna rigningar er í gildi á svæðinu til klukkan níu í dag. Veðurspá gerir ráð fyrir minni úrkomu með morgninum þótt ekki stytti upp fyrr en á laugardag.

Tengdar fréttir

Aurskriður á Austurlandi

Gleymir seint deginum sem skriðurnar féllu

• Ógerlegt að verja atvinnuhúsnæði á Seyðisfirði
• Aflýsa óvissustigi
• Ekki merki um aukna skriðuhættu
• Gjörólík staða nú og fyrir tveimur árum

» Fleiri tengdar fréttir

• Blogga um frétt