Fjöldahjálparstöð fyrir íbúa Eskifjarðar var upphaflega á rýmingarsvæði almannavarna, en  einhverjum íbúum Eskifjarðar var gert að yfirgefa heimili sín í dag. Því þurfti að færa fjöldahjálparstöðina og er hún nú utan rýmingarsvæðisins. Víðir Reynisson yfirlögregluþjónn segir að aðgerðir bæði á Seyðisfirði og Eskifirði gangi vel.

Frétt af mbl.is

Hættustigi lýst yfir á Eskifirði

„Já, fjöldahjálparstöðin var upphaflega inná rýmingarsvæðinu. Það var því brugðið á það ráð að færa hana og nú er hún nú í Kirkju- og menningarmiðstöðinni á Eskifirði,“ segir Víðir Reynisson, yfirlögregluþjónn almannavarnadeildar ríkislögreglustjóra, í samtali við mbl.is.

Samhugur mikill

Víðir segir að allir leggist á eitt við að leysa þær áskoranir sem nú steðja að íbúum skriðusvæðanna. Hann segist ekki vita hversu margir þurfi að yfirgefa heimili sín.

„Við erum ekki með endanlegar tölur, nei. Þetta er mikið af fólki engu að síður.“

„Það gengur alveg svakalega vel,“ segir Víðir um samtakamátt bæjarbúa. „Það gangast allir við öllum verkefnum hérna og standa sig ótrúlega vel.“

En þú ert kominn aftur, er þér batnað?

„Ég hef ekki náð fullri heilsu, nei, en ég reif mig af stað núna síðdegis til að leggja hönd á plóg í þessu verkefni.“'

Frétt af mbl.is

Víðir snýr líklega ekki aftur fyrr en 2021

Tengdar fréttir

Aurskriður á Austurlandi

Gleymir seint deginum sem skriðurnar féllu

• Ógerlegt að verja atvinnuhúsnæði á Seyðisfirði
• Aflýsa óvissustigi
• Ekki merki um aukna skriðuhættu
• Gjörólík staða nú og fyrir tveimur árum

» Fleiri tengdar fréttir

• Blogga um frétt