Almannavarnadeild ríkislögreglustjóra hefur lýst yfir neyðarstigi á Seyðisfirði vegna aurskriðna sem fallið hafa síðustu daga og í dag. Seyðisfjörður verður rýmdur. Þetta kemur fram í tilkynningu almannavarna til fjölmiðla.

Skriða sem féll nú laust fyrir þrjú síðdegis fór á nokkur hús að sögn Davíðs Más Bjarnasonar, upplýsingafulltrúa Landsbjargar. Viðbragðsaðilar vinna nú að því að kanna hvort húsin hafi verið mannlaus.

Allir íbúar og aðrir á Seyðisfirði eru beðnir að mæta í félagsheimilið Herðubreið og gefa sig fram í fjöldahjálparstöð eða hringja í síma 1717.

Allar björgunarsveitir á Austurlandi hafa verið boðaðar og lögreglumenn frá lögreglunni á höfuðborgarsvæðinu, sérsveit ríkislögreglustjóra og frá lögreglunni á Norðurlandi eystra hafa einnig verið sendir á staðinn.

Húsin sem vitað er að hafi orðið fyrir skriðum undanfarinn sólarhring sjást hér. Kort/mbl.is

Tengdar fréttir

Aurskriður á Austurlandi

Gleymir seint deginum sem skriðurnar féllu

• Ógerlegt að verja atvinnuhúsnæði á Seyðisfirði
• Aflýsa óvissustigi
• Ekki merki um aukna skriðuhættu
• Gjörólík staða nú og fyrir tveimur árum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Ótrúleg yfirsjón Íslendinga í flóðavörnum.