Skjalasafnið grafið undir þungu hlassi af aur
Ótrúleg gæfa hafi orðið til þess að enginn slasaðist í þessum hamförum.
Ljósmynd/Tækniminjasafn Austurlands
Setja bókamerki
Aðalbygging Tækniminjasafns Austurlands varð fyrir umtalsverðum skemmdum þegar stóra skriðan féll í byggðina í Seyðisfirði um klukkan þrjú í gær.
Byggingin sem áður hýsti megnið af safnkosti safnsins, prentverkstæði, skrifstofur og skjalasafnið, er nú grafin undir þungu hlassi af aur og drullu.
Þetta kemur fram á Facebook-síðu safnsins.
Enginn slasaðist í hamförunum í gær.
mbl.is/Eggert Jóhannesson
Erfiðir dagar og fullir af óvissu
„Skipasmíðastöðin, með sínu glænýja þaki, sem hýsti trésmíðaverkstæði er bókstaflega horfin,“ segir þar.
Ótrúleg gæfa hafi orðið til þess að enginn slasaðist í þessum hamförum og rýming bæjarins gengið mjög vel.
„Þetta eru erfiðir dagar, fullir af óvissu og kvíða en við höldum ótrauð áfram og vonum að þetta safn okkar Seyðfirðinga eigi bjartari framtíð fyrir sér.“
Vöruflutningavél brotlenti í Litháen
Unnið að hraunkælingu allan sólarhringinn
Þurfa að fjölga um 100 legurými
Dæla, kæla og verja mikilvæg mannvirki
Rannsókn á menningarnæturmáli lokið
Verkfalli lækna aflýst á síðustu stundu
Fundur hafinn hjá kennurum, ríki og sveitarfélögum