Rafmagnslaust varð í hluta Seyðisfjarðar fyrr í dag. Rafmagn er komið aftur á að miklu leyti, en þó er tækjahús fjarskiptafyrirtækisins Mílu enn án veiturafmagns.

Tækjahúsið er því keyrt á varaafli sem dugar fram á mánudagskvöld. Gerðar verða ráðstafanir til að tryggja áframhaldandi rekstur ef rafmagnsleysi dregst lengur.

Þetta kemur fram í tilkynningu frá fyrirtækinu.

Koma í veg fyrir að raki berist í húsið

Ekki hefur orðið tjón á fjarskiptastöðum Mílu á Seyðisfirði enn sem komið er, þó að aurskriður hafi valdið töluverðu tjóni á mannvirkjum og innviðum í firðinum.

Í tilkynningunni segir að unnið hafi verið að því að dæla vatni frá lóðinni í kringum hús Mílu í bænum til að koma í veg fyrir að raki berist í húsið og þar með fjarskiptabúnaðinn sem þar er.

Tengdar fréttir

Aurskriður á Austurlandi

Gleymir seint deginum sem skriðurnar féllu

• Ógerlegt að verja atvinnuhúsnæði á Seyðisfirði
• Aflýsa óvissustigi
• Ekki merki um aukna skriðuhættu
• Gjörólík staða nú og fyrir tveimur árum

» Fleiri tengdar fréttir

• Blogga um frétt