Karlmaður er í haldi lögreglunnar á Austurlandi grunaður um að hafa staðið að baki hótunum í garð Katrínar Jakobsdóttur forsætisráðherra. Kristján Ólafur Guðnason, yfirlögregluþjónn á Austurlandi, staðfestir í samtali við mbl.is að vitað sé hvaðan hótanirnar komu og verið sé að ræða við manninn á lögreglustöðinni. Hann vill þó ekki staðfesta að maðurinn hafi verið handtekinn. Austurfrétt hefur birt sms-skilaboð sem maðurinn er sagður hafa sent.

Frétt af mbl.is

Katrín í lögreglufylgd eftir hótun

Ríkislögreglustjóri sagði í samtali við mbl.is fyrr í dag að ekki væri talin hætta á ferðum vegna hótananna. Aðspurður segir Kristján þó að hótunin sé tekin alvarlega, eins og gildi um allar hótanir.

Frétt af mbl.is

Ríkislögreglustjóri segir ekki hættu á ferðum

Spurður með hvaða leiðum hótunin barst segist Kristján ekki geta svarað því. „Það bárust upplýsingar til lögreglu um hótanir í garð forsætisráðherra. Þær upplýsingar voru hins vegar óstaðfestar. En það er verið að ræða núna við þann sem átti að hafa sent þær,“ segir Kristján. Hann segir lögreglu á Austurlandi hafa fengið upplýsingar um hótanir frá almannavarnadeild ríkislögreglustjóra en getur ekki sagt til um hvernig þær bárust til almannavarna.

Tengdar fréttir

Aurskriður á Austurlandi

Gleymir seint deginum sem skriðurnar féllu

• Ógerlegt að verja atvinnuhúsnæði á Seyðisfirði
• Aflýsa óvissustigi
• Ekki merki um aukna skriðuhættu
• Gjörólík staða nú og fyrir tveimur árum

» Fleiri tengdar fréttir

• Blogga um frétt