Innlent | mbl | 28.12.2020 | 14:52

Ólöglegt efni í Wasa-hrökkbrauði

Tvær tegundir af hrökkbrauðinu sænska hafa verið innkallaðar. Ljósmynd/SS

SS hefur í samstarfi við heilbrigðiseftirlit Reykjavíkur innkallað tvær tegundir af Wasa-hrökkbrauði. Hrökkbrauðið inniheldur varnarefnið etýlenoxíð sem ekki er leyfilegt í matvælaframleiðslu.

Þetta kemur fram í tilkynningu frá Matvælastofnun, sem fékk upplýsingar um vöruna í gegnum evrópska viðvörunarkerfið um matvæli og fóður (RASFF).

Innköllunin á aðeins við um tvær vörutegundir og framleiðslulotur, sem sjá má hér að neðan. Þeir sem hafa keypt þær eru beðnir að neyta þeirra ekki heldur farga eða skila til SS á Fosshálsi 1 í Reykjavík.

Tegundirnar eru:

Vörumerki: Wasa
Vöruheiti: Sesam & Havssalt
Geymsluþol: Best fyrir dagsetning: 31.8. 2021
Lotunúmer: S01086800
Strikamerki: 7300400111119
Nettómagn: 290 g
Geymsluskilyrði: Á ekki við
Framleiðandi: Barilla/Wasa
Framleiðsluland: Svíþjóð
Dreifing: Fjarðarkaup, Aðföng (Hagkaup), Verslun Einars Ólafssonar, Melabúðin, Hlíðarkaup, Ikea, jólagjafasala til fyrirtækja

Vörumerki: Wasa
Vöruheiti: Sesam Gourmet
Geymsluþol: Best fyrir dagsetning: 31.1. 2021, 30.4. 2021, 30.6. 2021
Lotunúmer: G01044710, G01045630, G01046190
Strikamerki: 7300400481502
Nettómagn: 220 g
Geymsluskilyrði: Á ekki við
Framleiðandi: Barilla/Wasa
Framleiðsluland: Svíþjóð
Dreifing: Hlíðarkaup, Fjarðarkaup, Melabúðin, gjöf til mæðrastyrksnefndar, jólagjafasala til fyrirtækja