Nær 92% Íslendinga segja líklegt að þeir þiggi bólusetningu gegn Covid-19, ríflega 5% segja það ólíklegt og um 3% segja það hvorki líklegt né ólíklegt. Í byrjun september sögðu níu af hverjum tíu það líklegt.

Þetta kemur fram í nýjum þjóðarpúlsi Gallup. 

Þeim hefur fjölgað mikið sem segja öruggt að þeir þiggi bólusetningu, en nær 65% segja það öruggt nú miðað við tæplega 49% í haust.

Fólk yfir fertugu er líklegra til að þiggja bólusetningu en þeir sem yngri eru. Þeir sem kysu Framsóknarflokkinn, Pírata, Viðreisn eða Vinstri græn ef kosið yrði til Alþingis í dag eru líklegri til að þiggja bólusetningu en þeir sem kysu aðra flokka.

Af þeim sem segja ekki líklegt að þeir þiggi bólusetningu segja flestir ástæðuna vera þá að þeir vilji bíða eftir að það verði komin meiri reynsla á bólusetninguna og mögulegar aukaverkanir hennar, eða sjö af hverjum tíu.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Rangt að gera Íslendinga að tilraunadýrum lyfjafyrirtækja