Golfboltinn sleginn um gular grundir við Korpúlfsstaði

Talsvert hefur verið um að kylfingar hafi leikið golf á völlum sunnan- og suðvestanlands undanfarnar vikur.

Árstíminn segir ekki allt og nokkrir dagar hafa verið eins og að vorlagi. Þannig var umhorfs á Korpúlfsstöðum í vikunni er þessi vaski hópur æfði sveifluna í góðum félagsskap og sló boltann um gular grundir.

Á síðasta ári sló golfiðkun víða met og kylfingar á Íslandi hafa aldrei verið fleiri en nú. Síðasta sumar voru tæplega 20 þúsund manns skráðir í golfklúbba víða um land, en margir iðka íþróttina án þess að vera félagar í golfklúbbum.