Ástand orðið stöðugt hjá Skagafjarðarveitum

„Staðan er orðin stöðug og við erum algjörlega komin með fullt vald á henni,“ segir Steinn Leó Sveinsson, sviðsstjóri veitu- og framkvæmdasviðs Skagafjarðarveitna, í samtali við mbl.is, en fyrr í dag sendi fyrirtækið frá sér tilkynningu þar sem greint var frá því að kerfið væri komið að þolmörkum vegna mikils kulda.

Frétt af mbl.is

Afkastageta Skagafjarðarveitna komin að þolmörkum

„Menn eru búnir að vera að vinna í því í dag að yfirfara kerfi og stilla dælur. Þetta er allt komið í gott lag,“ segir Steinn.

Mjög kalt hefur verið á landinu undanfarið, en á morgun tekur að hlýna á landinu sunnan- og vestanverðu og á miðvikudag annars staðar á landinu.

Frétt af mbl.is

Kuldakast að klárast í bili

„Það er logn og fínt veður í dag. Það var gríðarleg kæling í gær, 15 stiga frost og talsverður vindur, og þá er gríðarlegt orkutap og reynir á þolmörk kerfisins, en það er búið að ná tökum á öllu og engin hætta neins staðar.“

• Blogga um frétt