41 einstaklingur hefur greinst með breska afbrigði kórónuveirunnar hérlendis. 35 smitanna greindust við landamæraskimun en sex innanlands. Öll innanlandssmitin komu upp hjá fólki sem hafði skýr tengsl við einstaklinga sem höfðu nýlega komið að utan. 

Þetta kemur fram í skriflegu svari almannavarnardeildar ríkislögreglustjóra við fyrirspurn mbl.is.

Frétt af mbl.is

Auknar áhyggjur af brasilíska afbrigðinu

Engin smit suður-afríska afbrigðisins hafa greinst hérlendis og ekki heldur smit brasilíska afbrigðisins. 

Öll þrjú afbrigðin eru mun meira smitandi en fyrsta afbrigði veirunnar. Þá eru brasilíska afbrigðið og hið suður-afríska talin erfiðari viðfangs en breska afbrigðið, samkvæmt frétt BBC. 

Fyrsta smit breska afbrigðisins greindist hérlendis 2. desember síðastliðinn en síðan ekki aftur fyrr en 18. desember. Eftir það greindist afbrigðið reglulega.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt