Alþingismenn, sem koma saman til funda að nýju í dag eftir jólaleyfi Alþingis, búast við líflegum umræðum á næstunni.

Meðal stórmála sem koma til umfjöllunar þingsins á næstunni eru frumvarp forsætisráðherra til breytinga á nokkrum ákvæðum stjórnarskrárinnar og svo fyrirhuguð sala á eignarhlut ríkisins í Íslandsbanka.

Væntanleg bankasala verður til umfjöllunar á Alþingi strax í dag þegar Bjarni Benediktsson fjármálaherra flytur Alþingi munnlega skýrslu um málið og stöðu þess. Oddný G. Harðardóttir þingmaður Samfylkingar telur ríkisstjórnina þurfa að undirbúa söluna á bankanum betur áður en haldið verður af stað. Mikilvægt sé að verja almannahag í ferlinu öllu. Sama máli gegni um atvinnumálin, þar sem nú sé þörf á uppbyggingu og nýsköpun eftir Covid-faraldurinn.

Á næstunni mun Katrín Jakobsdóttir forsætisráðherra leggja fram frumvarp á Alþingi til breytinga á stjórnarskrá, það er ákvæði sem lúta að auðlindum í þjóðareign, umhverfis- og náttúrumálum, þjóðtungunni og ýmsum atriðum varðandi framkvæmdarvaldið og embætti forseta Íslands, að því er fram kemur í Morgunblaðinu í dag.

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir