Seinni skammturinn gefinn á Húsavík
Ragnhildur Þrastardóttir
Setja bókamerki
Framlínustarfsmenn og íbúar hjúkrunarheimila á Húsavík sem fengu bóluefni við Covid-19 í lok desembermánaðar fengu seinni bóluefnaskammtinn í gær og eru því komnir með fulla bólusetningu gegn Covid-19.
Þetta staðfestir Jón Helgi Björnsson, forstjóri Heilbrigðisstofnunar Norðurlands, í samtali við mbl.is.
Sambærileg bólusetning hefst á morgun á höfuðborgarsvæðinu.
Hann segir að almennt sé fólki létt. Það sé gott að vera búin að bólusetja viðkvæmasta hópinn og sömuleiðis þá starfsmenn sem voru í áhættuhópum.
„Nú er búið að bólusetja flesta á hjúkrunarheimilum þá er þarna tekinn út alveg verulegur áhættuþáttur,“ segir Jón Helgi.
Frekari bólusetning hefst í lok viku
Seinni bólusetningu hópsins á Húsavík er því nokkurn veginn lokið þó Jón Helgi segi að mögulega eigi nokkrir eftir að fá seinni skammtinn.
Meira bóluefni er væntanlegt til Húsavíkur á morgun, fimmtudag, þó slæmt veður gæti sett þá áætlun úr skorðum. Þá er ætlunin að bólusetja fólk á sambýlum, í heimahjúkrun og sömuleiðis einstaka framlínustarfsmenn og íbúa dvalar- og hjúkrunarheimila sem ekki fengu bólusetningu fyrir áramót.
Telur að Alfreð hafi verið í geðrofi
Borga milljónir í leigu í staðinn fyrir 750 þúsund
„Ég tek það hins vegar líka til mín“
Almennt ætti ekki að tjá sig á þessum nótum
Erfitt að lesa Morgunblaðið í gær
Sagði Sigurð ljúga blákalt að þingheimi
„Þetta var af mannavöldum“