„Með hverjum deginum dvína vonir um mikinn straum ferðamanna hingað á komandi sumri. Við verðum þó að vona að það geti gerst á síðari hluta sumars, í júlí eða ágúst. Hins vegar fögnum við hverjum einasta íslenska gesti sem hingað kemur. Þeir skipta okkur öllu máli í þessari stöðu.“

Þetta segir Friðrik Pálsson, eigandi Hótels Rangár í Morgunblaðinu í dag. Hann segir að ef ekkert verður af komu erlendra ferðamanna muni það þýða gríðarlegt högg á ferðaþjónustuna.

„Fyrirtækin höfðu flest hver einhverja sjóði til að ganga í, auk þess ótrúlega mikilvæga stuðnings sem stjórnvöld veittu. En allar aðgerðir hafa miðað að því að þreyja Þorrann fram á komandi sumar.“

Af samtölum við aðra hótelrekendur um landið að dæma eru þeir flestir farnir að búa sig undir að byggja að stórum hluta á innlendri eftirspurn á komandi sumri. Magnea Þ. Hjálmarsdóttir, framkvæmdastjóri Icelandair Hotels, segir að tekið verði vel á móti Íslendingum á komandi sumri með spennandi tilboðum og að þá miði starfsemin einnig við að meira verði um barnafólk en alla jafna gildir þegar erlendir ferðamenn eru annars vegar.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir