Sósíalistaflokkurinn fengi menn á þing ef kosið væri til Alþingis í dag, ef marka má nýja könnun Maskínu sem unnin er fyrir fréttastofu Stöðvar 2, Bylgjunnar og Vísis og birt var í dag. Flokkurinn mælist með 5,3% fylgi sem ætti að duga fyrir þrjá þingmenn.
Allir flokkar héldu sér á þingi og myndi þingflokkum því fjölga um einn.
Sjálfstæðisflokkurinn mælist stærstur flokka með 21,3% en næst á eftir kemur Samfylkingin með 17,1% fylgi og Vinstri græn með 13,2%. Þá segjast 11,3% myndu greiða Viðreisn atkvæði sitt, 10,5% Pírötum, 9,5% Framsóknarflokki og 6,6% Miðflokki. Flokkur fólksins og Miðflokkur reka lestina með 5,3% atkvæða hvor.
Fjöldi þátttakenda í könnuninni hefur ekki verið gefinn upp og því ekki hægt að segja til um skekkjumörk.