Af samskiptum lögmanns Samherja hf. við lögreglustjórann á Vestfjörðum má ætla að rannsókn meints samráðs Seðlabanka Íslands og Ríkisútvarpsins sé ekki hafin, þrátt fyrir að kæra í málinu hafi borist lögreglunni á Vestfjörðum fyrir rúmu ári.

Lögmaður Samherja sendi ríkissaksóknara bréf þar sem hann óskaði eftir viðbrögðum hans við aðgerðaleysi lögreglunnar á Vestfjörðum.

Gísli Garðarsson, lögmaður Samherja, staðfestir í samtali við mbl.is að svar hafi borist frá ríkissaksóknara sem segir að hann hafi athugað málið og komist að því að einhver hreyfing væri á málinu, síðast í desember.

Lögreglunni á Vestfjörðum var falið að rannsaka málið þegar lögreglustjórinn á höfuðborgarsvæðinu lýsti sig vanhæfan til þess. Málinu vísaði forsætisráðherra til lögreglunnar í september 2019, en síðan þá hefur engin niðurstaða fengist í málið og mátti ætla að rannsókn þess hafi ekki verið hafin.

Orð ríkissaksóknara um að hreyfing væri á málinu voru þó ekki skýrð betur og því ekki ljóst hvort eiginleg rannsókn sé hafin eða á hvaða stigi hún er. 

Frétt af mbl.is

Samherjamálið til lögreglustjórans á Vestfjörðum

Málið sem Katrín Jakobsdóttir forsætisráðherra vísaði til lögreglunnar hefur að gera með grun um að gagnaleki hafi átt sér stað úr Seðlabanka Íslands og til handa Ríkisútvarpsins, enda fjallaði Kastljós um húsleit sem SÍ gerði í húsakynnum Samherja 27. mars 2012, samdægurs. 

Tengdar fréttir

Samherji

Samherji hafði betur gegn Odee

• Hafa fjarfest meira en nemur hagnaði
• Fyrrverandi starfsfólki „sé haldið í spennitreyju“
• Þúsundir smáskilaboða fundust í tölvu
• Sumarstarfsmenn gegna lykilhlutverki hjá ÚA

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Samsæri RÚV og SÍ gegn Samherja