Ísland er í 7. sæti á lista yfir árangur þjóða við að ná tökum á faraldri kórónuveirunnar, samkvæmt nýjum samanburði áströlsku hugveitunnar Lowy Institute. Nýja-Sjáland er í efsta sætinu.

Rannsóknin nær til 98 ríkja heims og er Ísland eina af Norðurlöndunum sem er meðal 10 efstu. Finnland er í 17. sæti og Noregur í 18. sæti.

Í samanburði Lowy Institute á aðgerðum og árangri við að ná faraldrinum niður er lagt mat á 36 vikna tímabil frá því 100 smit höfðu greinst í hverju landi um sig. Bornar eru saman staðfestar smittölur og dauðsföll af völdum veirunnar, fjöldi smita á hverja milljón íbúa, dauðsföll á hverja milljón íbúa, hlutfall virkra smita úr sýnatökum og fjöldi sýnataka á hverja þúsund íbúa.

Víetnam er í 2. sæti á listanum, Taívan í 3. sæti og því næst koma Taíland, Kýpur, Rúanda, Ísland, Ástralía, Lettland og Srí Lanka. Svíþjóð er í 37. sæti, Írland í 43. sæti, Þýskaland í 55. sæti, Bretland í 66. sæti og Bandaríkin eru meðal neðstu þjóða í 94. sæti. 

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir