Dagur segir að bönkunum hafi skjátlast
Setja bókamerki
Dagur B. Eggertsson, borgarstjóri Reykjavíkur, sagði á Húsnæðisþingi að bönkunum hefði skjátlast þegar þeir drógu úr lánveitingum til byggingarframkvæmda síðustu tvö árin.
Sagði Dagur í pallborðsumræðum þingsins að um áramótin 2018-2019 hefðu allar lánastofnanir verið sannfærðar um að offramboð á fasteignum væri fram undan og því dregið úr lánveitingum til verktaka í slíkum verkefnum síðastliðin tvö ár.
Dagur sagði þær spár ekki hafa gengið eftir og hélt fasteignaverð áfram að hækka. Samkvæmt mati Húsnæðis- og mannvirkjastofnunar er óuppfyllt íbúðarþörf nú tæplega fjögur þúsund íbúðir og útlit fyrir að hún muni aukast og verða um sex þúsund íbúðir í lok árs 2023.
Nauðsynlegt að hafa bankana með
Dagur sagði nauðsynlegt að hafa banka og lánastofnanir með í umræðunni um áframhaldandi uppbyggingu húsnæðis enda sveifluaukandi ef allir bankarnir rifu í handbremsuna á sama tíma.
Slíkt ylli framboðsskorti, sem með sögulega lágum vöxtum hefði áhrif á verðþrýsting á fasteignamarkaði.
Opinber fjármögnun hjálpaði
Dagur sagði að sem betur fer hefðu ekki allar framkvæmdir dottið niður á þessum tíma enda hefðu verkefni með opinbera fjármögnun verið í gangi síðustu ár. Hann nefndi stofnframlög frá HMS og sveitarfélögum sem dæmi og það sýndi fram á nauðsyn þess að fá fjármálastofnanir inn í umræðuna. Bönkunum hefði skjátlast í þetta skiptið og nauðsynlegt væri að læra af þessu.
Um 90 milljónir í vanskilum
Flokkarnir þurfa ekki að endurgreiða styrki
Ekkert breyst í samstarfinu nema fylgi flokkanna
Óskar atbeina Alþingis vegna byrlunar
Svo er framtíðin óskrifað blað
Lofaði kjósendum að knýja fram breytingar
„Vindar frelsis fái að leika um samfélagið“