Skipulagsfulltrúinn í Reykjavík hefur tekið jákvætt í umsókn eiganda Laugavegar 105 um að innrétta allt að 36 nýjar íbúðir á 3., 4. og 5. hæð hússins.

Í umsögn kemur fram að nokkrum sinnum áður hafi embætti skipulagsfulltrúa fjallað um fyrirspurnir fyrir þessa lóð með umsögn á umliðnum árum. Afgreiðsla þeirra mála var neikvæð m.a. vegna þess að byggt var við húsið sem hefur verndargildi og nýtur verndar götumyndar í deiliskipulagi. Húsið var byggt 1926 og teiknað af Einari Erlendssyni. Þar var lengi vel bifreiðasmiðja og bílaumboð Sveins Egilssonar, sem hafði m.a. umboð fyrir Ford-bifreiðarnar bandarísku.

Mælt er með því að heimilað verði að hefja vinnu við tillögu að breytingu á deiliskipulagi í samvinnu við verkefnisstjóra hjá skipulagsfulltrúa, að því er fram kemur í umfjöllun um mál þetta í Morgunblaðinu í dag.

Tengdar fréttir

Húsnæðismarkaðurinn

Blanda íbúða, þjónustu og verslana

• Nýjar íbúðir eru lengur að seljast
• Búseta skortir byggingarlóðir
• Horfa út fyrir Reykjavík vegna bílstæðaskorts
• „Það er verið að byggja rangar íbúðir“

» Fleiri tengdar fréttir