Grjót lenti á höfði Johns Snorra er hann var á leið upp í aðrar búðir á fjallinu K2 fyrr í dag. Sem betur fer var hann með hjálm á höfðinu sem bjargaði honum.

Frétt af mbl.is

Klífa í kvöld

Annar fjallgöngumaður úr hópnum „Seven Summits“ var ekki eins heppinn því grjót lenti á öxl hans. Hann er að meta framhaldið hjá sér.

„Þetta er ein af hættunum á fjallinu þegar grjót fellur niður á miklum hraða. Sumir af fjallgöngumönnunum frá „Seven Summits“ hafa ákveðið að hætta við að reyna að komast upp tindinn af þessum sökum,“ segir á facebooksíðu Johns Snorra.

John Snorri og félagar hans eru komnir í aðrar búðir. „Þeim leið vel og þeir eru tilbúnir og jákvæðir varðandi gönguna á toppinn,“ segir á síðunni.

Á morgun klukkan 8 að staðartíma ætla þeir að klifra upp „Svarta pýramídann“ á leið sinni að þriðju búðum. Þar ætla þeir að hvílast það sem eftir lifir dagsins.

Kal á fingri

John Snorri tók einnig eftir smávægilegu kali á einum fingri en sagðist ekki hafa áhyggjur af því, enda með lyf meðferðis. Ali og sonur hans Sajid, sem eru með honum í för, hafa það gott.

Mikið hefur verið um skriður á „Breiðtindi“ í dag og hafa þeir félagar bæði heyrt í þeim og séð þær falla.

Tengdar fréttir

John Snorri

Segir frásögn norsku fjallgöngukonunnar uppspuna

• Beðin að klippa á taug Johns Snorra
• Snjóflóðahætta fólgin í að færa lík Johns Snorra
• Ekki tókst að færa John Snorra
• Fundar með forsetanum á morgun

» Fleiri tengdar fréttir

• Blogga um frétt