Keypti miða í Olís og vann tæpar tvær milljónir

Einn heppinn miðahafi vann í dag rúmlega 1,8 milljónir króna eftir að dregið var út í Víkingalottóinu. Miðinn var keyptur á Olís við Langatanga í Mosfellsbæ.

Sex voru með 4 réttar tölur í réttri röð í Jóker og hlýtur hver þeirra 100 þúsund krónur. Miðarnir voru keyptir á eftirtöldum stöðum:

• Skálanum Þorlákshöfn.
• N1 Stóragerði í Reykjavík.
• Olís Lagarfelli á Egilsstöðum.
• N1 Hringbraut í Reykjavík.

Þá var einn miði í áskrift og einn var keyptur á lotto.is.

Fyrsti vinningur gekk ekki út að þessu sinni en heppinn Norðmaður var einn með 2. vinning og hlýtur hann rúmar 74 milljónir króna.

• Blogga um frétt