„Þetta gekk alveg ótrúlega vel. Við bólusettum um 750 manns 90 ára og eldri,“ sagði Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins.

Í gær var öllum íbúum á höfuðborgarsvæðinu sem voru orðnir 90 ára boðið að koma í bólusetningu fyrir Covid-19 á Suðurlandsbraut 34.

„Fólk var mjög hresst og ánægt að fá að koma. Það hafði haft sig til og þetta var greinilega hátíðisdagur. Ég hefði viljað geta boðið þeim upp á kaffi og kleinur, en það má víst ekki,“ sagði Ragnheiður. Hún sagði að send hefðu verið boð á um 1.000 manns vegna bólusetningarinnar í gær. Ekki var vitað hvað margir myndu skila sér. Nú verður farið yfir listana og athugað með framhaldið. Ragnheiður taldi að áfram yrði farið niður aldursröðina og bólusett þegar kæmi meira bóluefni. gudni@mbl.is

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir