Samstarfsfólk Freyju Egilsdóttur Mogensen í þjónustuíbúðum Stenslundcentret í Odder í Danmörku er sagt vera í áfalli vegna frétta af andláti hennar, en hún var myrt af fyrrum sambýlismanni sínum. Starfsfólk og íbúar í þjónustuíbúðunum þáðu áfallahjálp í dag en Freyja hafði unnið á Stenslundcentret til margra ára. Rúv. greinir frá.

Maðurinn sem játaði á sig verknaðinn tilkynnti um hvarf Freyju í gær en lík hennar fannst á heimili hennar í dag.

Freyja skilur eftir sig tvö ung börn, að því er fram kemur í fréttum danska miðilsins BT. 

Eins og sjá má á myndum í umfjöllun BT hafa verið lögð blóm við heimili Freyju. Þá var danska fánanum flaggað í hálfa stöng á Stenslundcentret.

Í áfalli

Anni Andersen, forstöðukona Stenslundcentret, ræddi við RÚV.

„Við erum í áfalli yfir atburðunum. Freyja var sérlega dugleg og klár og vissi hvað hún vildi,“ segir Anni.

„Sá sem heldur utan um vaktaskýrslurnar hjá okkur fékk sms frá Freyju á laugardagsmorguninn þar sem sagði að hún gæti ekki komið til vinnu vegna þess að hún væri veik. Það er ekki venjan að tilkynna veikindi með þeim hætti.“

Tengdar fréttir

Íslensk kona myrt á Austur-Jótlandi

Morðinginn sagði að hann myndi aldrei skaða Freyju

• Ákærður fyrir að hafa myrt Freyju
• Söfnun fyrir fjölskyldu Freyju
• Birtu ljósmynd af röngum manni
• Aðstandendur safna fyrir börn Freyju

» Fleiri tengdar fréttir

• Blogga um frétt