Mótmæla ákvæðinu harðlega

Málefli, hagsmunasamtök í þágu barna og unglinga með tal- og málþroskaröskun, skora á yfirvöld að endurskoða nú þegar ákvæði í rammasamningi Sjúkratrygginga Íslands við sjálfstætt starfandi talmeinafræðinga.

Frétt af mbl.is

Ákvæði um starfsreynslu ekki verið tímabært

Fram kemur í ályktun samtakanna að ákvæðið hindri nýliðun í stéttinni og viðhaldi nú þegar alltof löngum biðlistum. Börn eigi ekki að þurfa að bíða eftir nauðsynlegri þjónustu.

Í rammasamningi Sjúkratrygginga Íslands við sjálfstætt starfandi talmeinafræðinga hefur frá árinu 2017 verið ákvæði sem kveður á um að útskrifaður talmeinafræðingar fái ekki að starfa samkvæmt fyrrgreindum rammasamningi fyrr en tveimur árum eftir að hann fær starfsleyfi frá landlækni.

Frétt af mbl.is

180 milljónir þyrftu að bætast við

„Tal- og málþroskaröskun er alvarleg röskun og hefur langvarandi afleiðingar á lífsgæði barna, líðan þeirra og samskiptahæfni. Enn fremur hefur tal- og málþroskaröskun áhrif á möguleika barna og unglinga til menntunar og starfsþátttöku seinna meir. Foreldrar barna með tal- og málþroskaröskun mótmæla harðlega ofangreindu samningsákvæði, því það hefur verulega neikvæð áhrif á börn með tal- og málþroskaröskun og erfitt er að sjá hvaða ástæður liggja á bak við þessa kröfu SÍ,“ segir í ályktuninni.

Frá Talstöðinni í Kópavogi þar sem 350 börn eru á biðlista. mbl.is/Kristinn Magnússon

Ósanngjarnt gagnvart börnum

Þar segir að nýlega hafi leitað til samtakanna foreldri barns með málþroskaröskun. Það hafi beðið eftir meðferð á stofu hjá sjálfstætt starfandi talmeinafræðingi í rúm tvö ár. Þá hafi komið til starfa á stofunni nýútskrifaður talmeinafræðingur í handleiðslu og tekið barnið inn af biðlista.

Frétt af mbl.is

Sjá fram á lokun eftir 20 ára starfsemi

„Talmeinafræðingurinn og barnið ná vel saman og talþjálfunin gengur vel. Ljóst er hinsvegar að þegar handleiðslutímabili þessa talmeinafræðings lýkur eftir 6 mánuði, getur hann ekki haldið meðferð barnsins áfram fyrr en eftir að hafa sótt sér tveggja ára starfsreynslu. Meðferð barnsins lýkur og það þarf þá enn á ný að bíða eftir þjónustu nýs talmeinafræðings. Þessar aðstæður geta hægt á framförum og dregið úr líkum á árangursríkri meðferð,“ segir í ályktunni þar sem bætt er við að aðstæður sem þessar séu ósanngjarnar gagnvart börnum og að foreldrar sætti sig ekki við þennan biðlista. Nú sé mál að linni.

• Blogga um frétt