Jökulsárbrú opin aftur

Hringvegurinn um Mývatn og Möðrudalsöræfi opnaði aftur í gær. Aðstæður eru enn óbreyttar og er vegurinn því opinn í dag frá kl. 09:00 til 18:00. Utan þess tíma er alveg lokað. 

Hringveginum var lokað í fyrradag vegna aukinnar óvissu og nýrra upplýsinga um breytingar á hegðun Jökulsár á Fjöllum. 

Frétt af mbl.is

Brúin opin í birtu

Að sögn Kristjáns Kristjánssonar, yfirlögregluþjóns á Akureyri, er vöktun á svæðinu og er hún meiri en vanalega. Starfsmaður frá Vegagerðinni er á svæðinu og fylgist með og auk þess er lögreglan með eftirlit á svæðinu. 

Að öllu óbreyttu verður haldinn stöðufundur á morgun varðandi framhaldið. „Ef eitthvað fer að gerast þá verður tekinn fundur en að meðan að ástandið er stöðugt þá reiknum við með að taka stöðufund á morgun,“ sagði Kristján í samtali við mbl.is. 

Lögreglan á Norðurlandi eystra birti í gær á Facebook myndskeið frá eftirlitsflugi 2. febrúar þar sem aðstæður í Jökulsá á Fjöllum sjást vel.  

• Blogga um frétt