Rúmlega 22.000 manns hafa skrifað undir áskorun á hendur íslenskum stjórnvöldum vegna hins nígeríska Uhunoma Osayomore. Fólkið skorar á íslensk stjórnvöld að veita Uhunoma alþjóðlega vernd eða dvalarleyfi hérlendis af mannúðarsjónarmiðum. 

Frétt af mbl.is

Óttast um líf sitt

Uhunoma ræddi við mbl.is nýverið og má sjá viðtalið hér að ofan.

Í pistli með undirskriftasöfnuninni er stuttlega farið yfir sögu Uhunoma. 

„Uhunoma er 21 árs og er frá Nígeríu. Árið 2016, þegar hann var aðeins 16 ára, flúði hann frá heimili sínu í Nígeríu eftir að faðir hans myrti móður hans og yngri systir lést af slysförum.

Hann fór til Lagos, höfuðborgar landsins, og lenti þar í höndum þrælasala sem seldu hann mansali og upphófst þar með hræðilegt ferðalag sem leiddi hann til Íslands í október 2019. Á leiðinni upplifði hann hryllilega hluti, varð vitni að morðum, var haldið föngnum í fjárhúsi og varð ítrekað fyrir kynferðislegu ofbeldi. Í þrjú ár bjó hann í flóttamannaíbúðum á Ítalíu.

Hann hóf ferðalagið sem barn en endaði á Íslandi sem einstæður fullorðinn maður.“

Frétt af mbl.is

Fórnarlambi mansals vísað úr landi

Segja aðstæðurnar lífshættulegar

Uhunoma býr hjá íslenskri fjögurra barna fjölskyldu og segir í fyrrnefndum pistli að fjölskyldan geti ekki hugsað sér að missa Uhunoma úr lífi sínu. 

„Uhunoma þarfnast engrar aðstoðar íslenska ríkisins og á sér aðeins þá einu ósk að fá að lifa óttalausu lífi sem fullgildur borgari á Íslandi með fjölskyldu sinni og vinum,“ segir í pistlinum og jafnframt:

„Nú er komið að því að íslensk stjórnvöld ætla að vísa Uhunoma úr landi, jafnvel þótt hans málsmeðferð sé enn í gangi, og ætla stjórnvöld þannig, enn einu sinni, að vísa fórnarlambi mansals úr landi og til baka í aðstæður sem eru honum lífshættulegar.“

Tengdar fréttir

Uhunoma Osayomore

Óbreytt afstaða yfirvalda í máli Uhunoma

• Kann að „virka grimmt“ utan frá
• Afhentu 45 þúsund undirskriftir
• Gloppur í kerfinu varðandi mansal
• Þingnefnd fjallar um mál Uhunoma

» Fleiri tengdar fréttir

• Blogga um frétt