Náðu til konunnar á sexhjólum

Björgunarsveitir og sjúkraflutningamenn komu í dag konu til aðstoðar sem hafði slasast á fæti ofarlega í hlíðum Grímannsfells í Mosfellsdal. 

Útkall barst björgunarsveitum skömmu eftir klukkan 13:30. 

Frétt af mbl.is

Björgunarsveitir kallaðar út vegna slasaðs göngumanns

Davíð Már Björgvinsson, upplýsingafulltrúi Landsbjargar, segir að björgunaraðgerðir hafi gengið vel. 

„Það voru ágætisaðstæður en það var bratt þarna upp. Sjúkraflutningamenn á sexhjóli komu fyrstir að konunni, þeir komust langleiðina á hjólunum en þurftu síðan að ganga rest. Á eftir þeim komu tveir hópar af björgunarsveitafólki og sjúkraflutningamönnum með búnað, meðal annars börur með hjólum undir til að koma henni niður,“ segir Davíð. 

Konan var flutt á slysadeild með sjúkrabíl um klukkan þrjú. Hún mun vera slösuð á fæti. 

• Blogga um frétt