Leituðu þremenninganna í 7.800 metra hæð
Setja bókamerki
Tvær þyrlur pakistanska hersins leituðu í dag Johns Snorra Sigurjónssonar, Alis Sadpara og Juans Pablos Mohrs á fjallinu K2 án árangurs. Með í för voru Said Sadpara, sonur Alis, og fjallgöngumaðurinn Chhang Dawa.
Dawa segir í færslu á Facebook að flogið hafi verið upp í 7.800 metra hæð, en síðast sást til þremenninganna klukkan fimm á föstudagsmorgun að íslenskum tíma og voru þeir þá í 8.211 metra hæð.
Dawa segir að þegar komið hafi verið yfir fjórðu búðir hafi skyggni verið orðið lítið vegna veðurs. Talsverður vindur sé í 6.400 metrum og ofar í fjallinu.
Gestur Pétursson, vinur Johns Snorra, sagði í samtali við mbl.is fyrr í dag að til stæði að fljúga aftur á fjallið síðar í dag. Þá væri unnið að því í samráði við yfirvöld í Pakistan að nota gervihnattamyndir við leitina.
Aldrei um neitt annað að ræða en að klára verkið
Íshellaskoðanir á sumartíma ekki skynsamlegar
Fjáröflunin gegn stefnu þjóðgarðsins
Fjögur útköll á sólarhring og stefnir í metár
Rannsókn enn í gangi og beðið niðurstöðu krufningar
Líkfundur: „Höfum grun um hvaða maður þetta er“
Konan sem missti meðvitund var í köfunarferð
„Grafalvarlegt að talningin hafi ekki staðist“