Einn greinist með kórónuveiruna innanlands í gær og greindist viðkomandi við einkennasýnatöku og var í sóttkví. Þrír bíða niðurstöðu mótefnamælingar eftir að hafa greinst á landamærunum.

Nú eru 28 í einangrun og í 21 sóttkví. Nýgengi smita innanlands er nú 3,3 og 6 á landamærunum. Þar er miðað við á hverja 100 þúsund íbúa síðustu tvær vikur.

Alls eru 987 í skimunarsóttkví en voru 824 fyrir helgi. Vefurinn covid.is er ekki uppfærður um helgar. 

Tekin voru 309 sýni innanlands í gær og 409 á landamærunum.

Þrettán eru á sjúkrahúsi en aðeins einn þeirra er með virkt smit. 

Nítján eru í einangrun á höfuðborgarsvæðinu og 15 í sóttkví. Á Suðurnesjum eru fimm smit og sami fjöldi er í sóttkví. Á Suðurlandi eru tvö virk smit en enginn í sóttkví. Á Norðurlandi eystra er eitt virkt smit og einn í sóttkví. Á Vesturlandi er einn í einangrun en enginn í sóttkví.

Tvö börn eru með Covid-19 á Íslandi í dag og þau eru  bæði á aldrinum eins til fimm ára. Fjögur smit eru meðal fólks á aldrinum 18-29 ára og sex hjá aldurshópnum 30-39 ára. Sex eru með kórónuveiruna á aldrinum 40-49 ára, átta á sextugsaldri og tveir á sjötugsaldri.  

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt