Fornar höfuðstöðvar jafnaðar við jörðu

Unnið er að því að fjarlægja efni og ganga endanlega frá í gömlum höfuðstöðvum fallna flugfélagsins WOW air í Katrínartúni 12.

Verður húsið rifið ásamt öðrum húsum á reitnum, sem kenndur er við Höfðatorg.

Niðurrif hefst bráðlega. Fossbergshúsið svonefnda sem stendur við hlið hússins verður einnig rifið og á reitnum rís 8.000 fermetra stórhýsi á átta hæðum sem verður í anda húsanna í kring.