Ólíklegt að samningur verði undirritaður

„Ég á ekki von á því að menn muni ganga út með undirritað plagg,“ segir Kjartan Hreinn Njálsson, aðstoðarmaður landlæknis, í samtali við mbl.is. Nú stendur yfir fundur lyfjarisans Pfizer og íslenskra vísindamanna, þar á meðal eru Kári Stefánsson, forstjóri Íslenskrar erfðagreiningar, og Þórólfur Guðnason sóttvarnalæknir. 

Umræðuefni fundarins er hugsanleg framkvæmd svokallaðrar fjórða fasa vísindarannsóknar. Slík rannsókn myndi fela í sér að meirihluti þjóðarinnar yrði bólusettur á skömmum tíma þannig að hér næðist hjarðónæmi. Fundurinn hófst klukkan 16 og segist Kjartan Hreinn fremur eiga von á viljayfirlýsingu eða drögum að samningi.

Ekki boðað til ríkisstjórnarfundar

„Það er líklegt. Þá er það upphafið að einhverju góðu og upphafið að víðtækara samtali. Það verður ekkert ákveðið þarna fyrir hönd íslenskra stjórnvalda. Við þurfum að ræða við okkar yfirmenn (ríkisstjórnina).“

Ekki hef­ur verið boðað til rík­is­stjórn­ar­fund­ar vegna fund­ar full­trúa Íslands og bólu­efna­fram­leiðand­ans Pfizer, sem fram fer í þess­um töluðum orðum. Þetta staðfest­ir Ró­bert Mars­hall upp­lýs­inga­full­trúi rík­is­stjórn­ar­inn­ar.

• Blogga um frétt