Velferðarnefnd skoðar samninga um bóluefni
Setja bókamerki
Velferðarnefnd Alþingis hefur fengið leyfi fyrir því að skoða þá fimm samninga sem Ísland hefur gert um bóluefni.
„Næst á dagskrá hjá nefndinni er að fá að sjá þessa samninga sem hafa verið gerðir. Við fengum það samþykkt,“ segir Helga Vala Helgadóttir, formaður velferðarnefndar, og bætir við að trúnaður ríki um samningana.
Hún reiknar með því að samningarnir verði ræddir á næsta fundi velferðarnefndar á föstudaginn.
Spurð hvort hjarðónæmisrannsókn Pfizer hér á landi sem ekkert verður af verði rædd segir hún að nefndin muni ef til vill spyrjast fyrir um hana. Ekki hefur verið kallað eftir skýrslu um málið en vel má vera að óskað verði eftir henni, að sögn Helgu Völu.
Hún segir að væntingarnar hérlendis um að rannsóknin yrði að veruleika hafi verið fullmiklar. Þórólfur Guðnason sóttvarnalæknir hafi reynt hvað hann gat til að stilla væntingunum í hóf. „Líklega var hann með væntingastjórnunina í góðu lagi en við fórum kannski fram úr okkur,“ segir hún.
Nýjar myndir sýna tjónið sem blasir við
Þjóðvegur 1 fór í sundur á nokkrum stöðum
Stöðva hundruð þúsunda svikatilrauna
Útilokað að kalla ísrétt bragðaref
Smíða úrræði fyrir „hættulega einstaklinga“
Stórbætt eftirlit með nýjum ratsjám
Skortur á lóðum og aukin gjaldtaka
Skrifstofustjóri Ásthildar fór í karphúsið