Beint: Græna planið og fjárfestingar

Beint streymi frá kynningarfundi um Græna planið og fjárfestingu Reykjavíkur og fyrirtækja borgarinnar verður úr Ráðhúsi Reykjavíkur frá klukkan 9 til 10:30 í dag.

Á meðal þeirra sem flytja erindi eru Dagur B. Eggertsson borgarstjóri, Þórdís Lóa Þórhallsdóttir formaður borgarráðs og Berglind Rán Ólafsdóttir framkvæmdastjóri.

Hér fyrir neðan má fylgjast með streyminu:

„Nota á kraftinn sem liggur í fjárfestingum til að skapa viðspyrnu á erfiðum tímum. Framtíðarsýn Reykjavíkurborgar er að skapa borgarsamfélag sem einkennist af heilnæmu umhverfi, jöfnum tækifærum og öflugu atvinnulífi sem gengur ekki á náttúruauðlindir. Kynnt verða lykilverkefni í fjárfestingum Reykjavíkurborgar og fyrirtækja til skemmri og lengri tíma,“ segir í tilkynningu.

Dagskráin í heild sinni:

• Dagur B. Eggertsson borgarstjóri: Fjárfestingaráætlun Reykjavíkur
• Berglind Rán Ólafsdóttir framkvæmdastjóri: Fjárfestingar Orku náttúrunnar
• Katrín Karlsdóttir, teymisstjóri verkefnastjóra: Fjárfestingar Veitna
• Sigrún Árnadóttir framkvæmdastjóri: Fjárfestingar Félagsbústaða
• Davíð Þorláksson framkvæmdastjóri: Fjárfestingar Betri samgangna á næstu árum
• Magnús Þór Ásmundsson hafnarstjóri: Fjárfestingar Faxaflóahafna
• Þórdís Lóa Þórhallsdóttir, formaður borgarráðs: Atvinnustefna Reykjavíkur

• Blogga um frétt