Ekið á gangandi vegfaranda á Akureyri

Umferðarslys varð um klukkan 13 þegar ekið var á gangandi vegfaranda á Glerárgötu á Akureyri. Viðkomandi var fluttur á bráðamóttöku til aðhlynningar. 

Fram kemur í tilkynningu lögreglunnar á Norðurlandi eystra að unnið sé að rannsókn málsins. Því var Glerárgötu milli Þórunnarstrætis og Gránufélagsgötu lokað fyrir umferð í báðar áttir. 

Samkvæmt upplýsingum frá slökkviliðinu á Akureyri er ekki talið að viðkomandi sé alvarlega slasaður. 

• Blogga um frétt