Tjón varð á neyðarútgangi vínbúðarinnar

Tjón varð á neyðarútgangi verslunar ÁTVR í Hafnarfirði í dag að sögn Sigrúnar Sigurðardóttur, aðstoðarforstjóra ÁTVR, þegar ekið var inn um útganginn. 

Vínbúðin er staðsett við Helluhraun, en ekki urðu slys á fólki. 

Frétt af mbl.is

Ók inn í Vínbúðina

Sigrún segir að tjónið hafi ekki verið mikið. 

„Það varð tjón á þessum neyðarútgangi. Við lokuðum ekki versluninni eða neitt svoleiðis, þetta er inngangur sem er ekki notaður dags daglega sem ekið var á og aðalinngangurinn slapp alveg,“ segir Sigrún. 

Sigrún segir að samkvæmt þeim upplýsingum sem hún hafi var bílstjóranum veitt aðhlynning áður en kallað var eftir lögreglu. 

• Blogga um frétt