Tvö og hálft ár fyrir nauðgun eftir þorrablót

Landsréttur hefur staðfest dóm Héraðsdóms Reykjavíkur yfir karlmanni sem var dæmdur í tveggja og hálfs árs fangelsi fyrir nauðgun sem átti sér sér stað í janúar árið 2018. Var maðurinn auk þess dæmdur til að greiða konunni 1,8 milljón í miskabætur og málskostnað upp á 2,3 milljónir.

Maðurinn var ákærður og dæmdur fyrir að hafa án samþykkis konunnar klætt hana úr sokka­bux­um og nær­föt­um og haft við hana sam­ræði þar sem hún svaf í sófa í stofu og þannig not­fært sér að hún gat ekki spornað við verknaðinum sök­um ölv­un­ar og svefndr­unga.

Nauðgun­in átti sér stað í heima­húsi að loknu þorra­blóti. Þar var kon­an gest­kom­andi á heim­ili vin­konu sinn­ar. Þar var einnig fyrr­ver­andi sam­býl­ismaður vin­kon­unn­ar, sem var ákærður í mál­inu. Þau höfðu fyrr um kvöldið verið að skemmta sér á þorra­blóti en farið heim til vin­kon­unn­ar eft­ir blótið þar sem þau drukku áfengi og hl­ustuðu á tónlist.

Frétt af mbl.is

Tvö og hálft ár fyrir nauðgun

Kon­an vaknaði síðar um morg­un­inn, að henn­ar sögn, með líðan og minn­ing­ar um að ákærði hefði klætt hana úr að neðan og haft við hana sam­far­ir. Maður­inn neitaði sök og fyrir Landsrétti sagði hann að um ranghugmyndir væri að ræða hjá sér um minningar að hann hefði girt niður um konuna, en hann hafði vitnað til um þær minningar í héraðsdómi.

Í héraðsdómi kom fram að við ákvörðun refsingar væri horft til þess að um væri að ræða mjög al­var­legt brot sem beind­ist gegn kyn­frelsi ungr­ar konu, sem var vin­kona ákærða, og í aðstæðum þar sem hún átti að vera ör­ugg. Var því um að ræða mik­inn trúnaðarbrest. Þetta horfi til refsiþyng­ing­ar. Í dómi Landsréttar segir að konan hafi lýst minningarbrotum sínum með skýrum og afgerandi hætti. Hvorki verði af framburði hennar né öðrum gögnum málsins ráðið að hún hafi gefið sér að maðurinn hafi haft samfarir við sig né að ætla megi að hún hafi verið haldin ranghugmyndum um atvikin. Er niðurstaða héraðsdóms í málinu því staðfest.

• Blogga um frétt