Ásthildur Lóa í framboð fyrir Flokk fólksins
Setja bókamerki
Ásthildur Lóa Þórsdóttir, formaður Hagsmunasamtaka heimilanna, er gengin í Flokk fólksins og mun hún gefa kost á sér í alþingiskosningunum í haust. Þetta kemur fram í tilkynningu frá flokknum sjálfum og má því ætla að hún taki sæti á lista.
Ásthildur er kennari að mennt og starfar sem grunnskólakennari. Hún hefur verið virk í réttindabaráttu kennara og var kjörin í stjórn og samninganefnd grunnskólakennara 2018.
Þá hefur hún gegnt formennsku í Hagsmunasamtökum heimilanna frá árinu 2017 og barist ötullega fyrir réttindum fólks í kjölfar efnahagshrunsins 2008, ekki síst þeirra sem misstu heimili sitt.
Ásthildur skipaði 3. sæti á lista Framsóknarflokksins í borgarstjórnarkosningum árið 2018 en þar hlaut flokkurinn engan mann kjörinn. Hún bauð sig fram til formennsku í Neytendasamtökunum sama ár en hafði ekki erindi sem erfiði.
Hún er gift Hafþóri Ólafssyni, söluráðgjafa hjá Exton ehf., og eiga þau tvo uppkomna syni.
/frimg/1/6/64/1066412.jpg)
Smíða úrræði fyrir „hættulega einstaklinga“
Ábatinn gæti verið meiri en áhættan
Milljarðatugir í ríkiskassann
Stórbætt eftirlit með nýjum ratsjám
Nýjar myndir sýna tjónið sem blasir við
Of mikil einföldun að skella skuldinni á geðrof
Óvíst hvort heimili sem ráðherra opnaði verði opnað